Marsklúbbur hjá Fanney

Gulrótahummus

500 gr. gulrætur

1 hvítlauksrif

1 tesk cumin

1 tesk koriander

6 matsk ólífuolía

1 tesk hunang

Safi úr hálfri sítrónu

Safi úr hálfri appelsínu

3 matsk. tahini

Sjávarsalt og nýmalaður svartur pipar

2 matsk. vatn

Skerið gulræturnar í 4-5 sm. bita og setjið í lítið eldfast mót með loki. Bætið hvítlauknum við ásamt vatninu og kryddið með salti og pipar. Bakið við 200° í um það bil 35 mínútur.

Þeytið saman olíunni, hunangi, cumin og koriander.

Þegar gulræturnar hafa kólnað eru þær settar í matvinnsluvél ásamt olíublöndunni, sítrónu- og appelsínusafa og tahini. Bragðbætið með salti, pipar, cumin og koriander.

Laxasalat

1 stór sæt kartafla eða tvær meðalstórar

500 g lax, beinhreinsaður

1 poki gott salat

ristaðar pekanhnetur

sítróna

fetaostur

salt og nýmalaður pipar

tímían

ferskt dill

ólífuolía

smjör

Afhýðið kartöfluna og skerið í litla bita, kryddið til með salti og pipar og leggið í eldfast mót. Hellið smá olíu yfir og bakið í ofni við 180°C í 30 – 35 mínútur eða þar til þær eru mjúkar í gegn.

Skerið laxinn í jafn stóra bita. Hitið olíu á pönnu, steikið laxinn í 2 – 3 mínútur á hvorri hlið. Kryddið til með salti, pipar og tímían. Þegar það eru ca. 2 mínútur eftir af eldunartímanum er gott að bæta smjörklípu út á pönnuna.

Þegar kartöflurnar eru tilbúnar þá dreifið þið smátt söxuðu dilli yfir þær og kreistið smá sítrónusafa yfir í lokin.

Blandið spínati, kartöflum, laxi, fetaosti og pekanhnetum vel saman í skál og berið fram.

Spanakopita

200 gr. filo deig

500 gr. spínat

250 gr. blaðlaukur

1 laukur

150 gr. fetaostur, mulinn

2 egg

salt

Blaðlaukurinn skorinn í sneiðar og laukurinn saxaður smátt. Steikt í olíu þar til mjúkt. Spínatið sett á pönnuna og steikt áfram í nokkrar mínútur eða þar til það er eldað. Eggin og fetaosturinn hrært saman ásamt salti og spínatblöndunni blandað saman við. Filo deigs arkirnar penslaðar með olíu og 3/4 settar í botninn á eldföstu móti, látið deigið ná vel yfir hliðarnar. Fyllingin sett í mótið og afgangurinn af deiginu settur yfir. Hliðarnar brotnar yfir og bakað við 200° í um 45 mínútur.

Ítölsk baunasúpa

2 dósir cannelini baunir

2 kartöflur

1 gulrót

1 laukur

1 hvítlauksrif

½ líter vatn

1 grænmetisteningur

3 matsk. olía

Salt og pipar

Laukurinn saxaður, gulrót og kartöflur rifið á rifjárni. Mýkt í olíu ásamt hvítlauknum. Vatni og grænmetiskrafti bætt út í og soðið í 15 mínútur.

Súpan maukuð og baununum síðan bætt út í. Soðið áfram í 15 mínútur

Borið fram með basil, parmesan og chili flögum eða góðri pestó sósu.

Panna cotta með hindberjum

1 líter rjómi

2 vanillustangir

3 blöð matarlím

125 ml. mjólk

125 gr. flórsykur

6 tesk. vodki

Hindberjasósa:

300 gr. hindber

3 matsk. flórsykur

750 ml. af rjómanum sett í pott ásamt klofnum vanillustöngunum og soðið niður um þriðjung. Fræin skafin innan úr vanillustöngunum og blandað saman við rjómann.

Matarlímið er lagt í bleyti í mjólkinni í 15 mínútur. Tekið úr og mjólkin hituð að suðu. Matarlímið sett saman við og hrært þar til það hefur bráðnað. Blandað saman við heitan rjómann og blandan látin kólna. Afgangurinn af rjómanum er þeyttur ásamt flórsykrinum og blandað varlega saman við rjómablönduna þegar hún hefur kólnað.

Hellt í lítil form og látið stífna í ísskáp í a.m.k. 2 klukkustundir.

Hindberin sett í mixara og maukuð ásamt 3 matsk. af flórsykri.

Búðingunum er hvolft á diska, einni teskeið af vodka hellt yfir hvern þeirra og borið fram með hindberjasósunni.

Carrot Cake Martini

1 hluti gulrótasafi

1 hluti sykursíróp

1 hluti vanilluvodki

1 hluti advocat

Kanill á hnífsoddi

3 - 4 dropar angostura bitters

Hrist með klökum

Ofan á: 

Þunnt lag af léttþeyttum rjóma, ennþá fljótandi. 

Kanil stráð yfir