Maíklúbbur hjá Mæju 2016

Fordrykkur (6 glös)

2 sítrónur = 1 dl pressaður safi

0.75 dl sykur

30 g fersk mynta

750 ml freyðivín (Jacob’s Creek Chardonnay Pinot Noir Brut)

Ég bætti við slettu af gini út í. 

  

Sítrónusafanum hellt í pott og suðan látin koma upp, sykrinum bætt út í. Hrært í blöndunni þar til hún bráðnar. Látið kólna (athugið að gera þetta með nokkuð góðum fyrirvara því það tekur drjúga stund fyrir blönduna að kólna alveg). Blöndunni skipt í sex glös, nokkur myntublöð sett ofan í hvert glas og þau síðan fyllt með köldu freyðivíni! SKÁL! 

Snúðar

Tvær útfærslur 

1. Smjördeig flatt út, síðan penslað með pizzasósu og síðan rúllað upp og skorið í sneiðar, 

2. rjómaosti og gráðosti hrært saman og smurt á smördeigið. Snúðarnir síðan penslaðir með eggi.

Limoncello grafinn lax

Dillsósa

1 dós grísk jógúrt (350 ml) (líka hægt að nota sýrðan rjóma eða hvor tveggja til helminga)

1 msk fljótandi hunang

2 hvítlauksgeirar, pressaðir eða fínsaxaðir

ferskt dill (ég notaði hér um bil 1/3 af  heilu 30 gramma boxi)

salt

ferskmalaður svartur pipar

Dillið er saxað niður og blandað vel við grísku jógúrtina. Hvítlauknum er bætt út í. Sósan er því næst bragðbætt með hunangi, salti og pipar. Gott er að leyfa sósunni að standa í ísskáp í 15-20 mínútur áður en hún er borin fram.

Morgunverðarbollur með kotasælu 

100 g brætt smjör

4 dl nýmjólk

1 bréf þurrger (12 g bréfið)

1 msk hunang

1 tsk salt

400 g kotasæla

ca. 900 g + aðeins meira hveiti 

1. Bræðið smjör í potti, bætið mjólkinni, þurrgerinu og hunanginu saman við og hrærið vel saman. 

2. Hellið blöndunni í hrærivélaskál ásamt saltinu, kotasælunni og hveitinu. 

3. Hnoðið deigið í hrærivélinni í um það bil 8 mínútur. (Það tekur aðeins lengri tíma að gera það í höndunum) 

4. Stráið hveiti á borðflöt og hnoðið deigið í smá stund með höndunum og mótið eina stóra kúlu. 

5. Færið kúluna yfir í hreina skál og leggið viskastykki yfir skálina. Leyfið deiginu að hefast í rúmlega klukkustund eða þar deigið hefur tvöfaldast að stærð. 

6. Hitið ofninn í 200°C (blástur) 

7. Skiptið deiginu niður í jafn stóra bita og mótið bollurnar. 

8. Leggið bollurnar á pappírsklædda ofnplötu. 

9. Penslið bollurnar með eggi og sáldrið birkifræjum yfir. 

10. Bakið við 200°C í 15 mínútur.

Steiktur saltfiskhnakki með lauksultu, tómat-vinaigrette og kartöflumús.

800 gr saltfiskhnakkar

Hveiti

Ólífuolía til steikingar  

1 krukka af svörtum ólífum 

1 askja af konfekttómötum 

1/2 chillipipar

Skerið saltfiskinn í ca. 200 gr steikur. Þerrið fiskinn með pappír og veltið honum svo upp úr hveitinu. Hellið ólífuolíunni á steikarpönnu svo að hún fljóti upp að hálfri saltfisksteikinni. Hitið olíuna og steikið fiskinn í ca. 3 mín á hvorri hlið eða þar til saltfiskurinn er orðinn gullin brúnn. 

Rauðlaukssulta

2 matskeiðar ólífuolía

1 kílógramm rauðlaukur, helmingaðir og sneiddir í 5 millímetra sneiðar

Salt, eftir smekk

Nýmalaður pipar, eftir smekk

150 millilítrar rauðvín - sleppti

50 millilítrar balsamedik

50 millilítrar rauðvínsedik - sleppti

100 grömm dökkur púðursykur

1. Hitið olíu í stórum potti á miðlungslágum hita. Bætið lauknum við og kryddið með salti og pipar. Látið hann malla í 30 mínútur eða þangað til hann er orðinn mjúkur og hálfgegnsær og hrærið í af og til svo laukurinn festist ekki við botninn á pottinum og brenni. 

2. Hrærið rauðvíninu, balsamedikinu, rauðvínsedikinu og púðursykrinum saman við laukinn og hækkið í hæsta hita. Þegar vökvinn hefur náð suðu lækkið undir pottinum í lægsta mögulega hita og látið malla í 30-45 mínútur eða þar til mestur vökvinn hefur gufað upp. 

3. Smakkið sultuna til með salti og pipar. Ef geyma á sultuna til lengri tíma eru hún sett í sótthreinsaðar sultukrukkur með loki sem þolir edik. 

Kartöflumús með hvítlauk, salti, pipar og sýrðum rjóma 

Eftirréttarbomba

500 ml rjómi

1 lítil dós KEA vanillu skyr - ég setti stóra dós

1 tilbúinn brúnn marengs botn

1. pakk kókosbollur

1/2 pakki súkkulaði rúsinur

Ávextir, ber eða nammi sem þér finnst gott

1. Marengsbotninn er brotinn niður á disk eða fat sem þér finnst fallegt. 

2. Rjóminn er þeyttur með þeytara og vanillu skyrið svo hrært út í með sleikju. 

3. Setjið ávextina, berin og nammið út í blönduna í því magni sem þið viljið. Betra er að byrja á því að setja lítið í einu og hræra með sleikjunni, setja svo meir ef vill. 

4. Ég notaði jarðaber, bláber, kókosbollu og súkkulaðirúsínur. 

5. Rjómablandan er svo lögð yfir marengsbotninn og skreytt að vild. Ég valdi að skreyta eftirréttinn með bláberjum. 

6. Gott er að leyfa eftirréttinum að standa smá stund áður en hann er borinn fram til þess að marengsbotninn blotni svolítið

Vin kvöldsins