Febrúarklúbbur hjá Hrafnhildi

 

ÞEMA: EPLI og APPELSÍNUR 

(átti að vera haustklúbbur/uppskera)

Eplasúpa - Laukterta - Rauðrófu - og appelsínusalat

Avacado með túnfisk salsa fyllingu - Appelsínusúkkulaðikaka

For-snakk ofan á alls konar kex:

Túnfisksalsa með avacado (svipað og í fyllta avacadoinu) + í viðbót smátt saxað: 

1 msk jalapeno+ 1 msk sólþurrkaðir tómatar + 1 msk artiskokkar niðursoðnir 

Ofan á salsað er sett t.d. parmesan/biti af Brie/kotasæla/laukur. Steinselja til punts

Fordrykkur - franskur - frægur 

Frönsk laukterta

Þessi franska laukterta eða Tarte á l'oignon er fljótleg og mjög fín hvort sem er sem forréttur eða aðalréttur.

Deigið:

250 g hveiti

125 g smjör

1 egg 

1 matskeið vatn

salt

Fyllingin:

3 rauðlaukar

120 g beikon

2 egg

2 eggjarauður

1 dl mjólk

2 dl rjómi

múskat

salt og pipar

Aðferð:

Hitið ofninn í 200 gráður.

Deig: Setjið hveiti í skál ásamt teskeið af salti. Blandið hvetinu og smjörinu saman með puttunum þannig að verði góður massi. Blandið síðan egginu og matskeið af vatni saman við.Smyrjið smelliform. Setjið deigið í formið og fletjið það út þannig að það þekji botninn og um 3 sm upp hliðarnar. Bakið í 15 mínútur.

Fylling: Saxið laukinn og beikonið. Hitið smjör á pönnu og steikið lauk og beikon á miðlungs hita í um 15 mínútur. Laukurinn á að verða mjúkur og gylltur en ekki brúnn. Þeytið saman eggin og eggjarauðurnar. Kryddið með salti, pipar og örlitlu múskat.Blandið lauk og beikoni saman við eggjablönduna.Hellið í botninn í kökuforminu og bakið í 40 mínútur. Setti laukhringi ofan á 

Berið bökuna fram volga með stökku salati með góðu vinaigrette.

Avacado með fyllingu

Avacado skorið í tvennt - næstum allt skafið innan úr og saxað og svo blandað saman við: 

140 gr. túnfiskur (1 dós) 

2 msk sýrður rjómi

1 msk jalapeno

3 msk rauðlaukur

1 msk vorlaukur 

slatti af rauðu pesto sett saman við svo úr verði þéttur massi. 

Fyllt hæfilega í tómu avacadohelmingana og skreytt með vorlauknum

Rauðrófu- og appelsínusalat

·                 1 rauðrófa, í bitum - má vera niðursoðin

1/2 rauðkálshaus í strimlum

·         2 vorlaukar eða 1 búnt graslaukur, skorinn í litla bita

Rucola salat - 2 hnefar

1 appelsína í bitum

·         ¼ rauðlaukur, skorinn í þunna langa strimla

nokkrir kokkteiltómatar

·          nokkrar ólífur

·         3-4 sólþurrkaðir tómatar, skornir í langsum strimla

·         10 valhnetur, þurrristaðar á pönnu

1 Brie-ostur í bitum - eða Fetaostur

·         smá grænt krydd – t.d. ferskt basil eða ferskt kóríander eða....

Blandið öllu saman í skál, hellið dressingunni yfir salatið og endið á að klippa ferskt krydd yfir.

Dressing - sett í blandara:

·         1 1/2 dl lífræn ólífuolía

·         1 1/2 dl ferskur sítrónusafi

·         ½ dl ferskur appelsínusafi

·         1 tsk sinnep

·         1 hvítlauksrif

·         2 vorlaukar - fínt saxaðir

·         1/2 búnt ferskt basil - smátt saxað

·         smá sjávarsalt og nýmalaður svartur pipar

- Má líka sleppa dressingu og nota bara góða olíu Balsamedik/glaze

 

Eplasúpa með karri – frá Vigdísi

800g græn matarepli lítil og súr

2 msk laukur saxaður smátt (notaði rauðlauk)

1 hvítlauksrif saxað smátt

1 msk rifið ferskt engifer

1 msk smjör

1 msk karrí

5 dl kjúkl.kraftur

3 msk þeyttur rjómi, má sleppa

Soðin hrísgrjón og rúsínur

 Epli afhýdd, skorin í báta, steikt í smjöri, lauk og hvítlauk. Karrí bætt út í, steikt í nokkrar sek. Kjúkl.kraft bætt í og soðið í 30 mín. Bætti líka curry paste til að fá sterkara og meira afgerandi bragð. Salt og pipar

Maukaði í matarvinnsluvél - en sigtaði ekki - vildi hafa áferðina maukkennda en ekki vökvakennda. Þynnist eftir smekk með vatni - og eplacider

Þeyttur rjómi, soðin hrísgrjón og  rúsínur borið með - eða bætt út á.

Appelsínu súkkulaðikaka

Botn: 1 pk. (260 gr) LU-Bastogne-kanilkex malað smátt (en ekki í duft) + 60 gr. smjör brætt - Hrært saman og þrýst í botninn á formi sem er ca 3-4 sm hátt. Kælt vel

Fylling: 450 gr. dökkt súkkulaði (70% súkkulaði og appelsínusuðusúkkulaði til helminga) brætt + 1 appelsína (safi og börkur). Kælt þar til ylvolgt - þá hrært saman við + 4 dl þeyttur rjómi. 

Skreyting:Skreytt með sykruðum appelsínusneiðum > vatn og sykur brætt a´pönnu og appelsínusneiðar lagðar útí og látnar malla við vægan hita þar til sírópskennt og sneiðarnar gljándi. Leggið á sykraðan pappír og hjúpið beggja megin - kælið - skreytið