Sílexíur: Maíklúbbur hjá Ingibjörgu

Krabbasalat

200 krabbakjöt (surimi)

1 stk. rauðlaukur

sýrður rjómi

salt og pipar eftir smekk

nokkrir dropar af sítrónu/lime safa

Skera krabbakjötið og rauðlaukinn mjög smátt (gott að setja í matvinnsluvél)

Blandið saman við sýrða rjómann, safann og kryddið eftir smekk.

Rauðrófubaka

1 msk. ólífuolía

2 msk. smjör

1 laukur, fínst sneiddur

2-3 msk. sérri

3-4 forbakaðar rauðrófur

nokkrar valhnétur

3-4 egg

2 dl. rjómi

sýrður rjómi með graslauk

fersk basilikulauf

salt, pipar og chilli pipar - allt eftir sekk

Bökuskel

250 gr. hveiti

125 gr. smjör

salt og kalt vatn eins og þarf

Hita ofninn í 190*c forbakið bökuskelina í 10-15 mín. Muna að pikka botninn með gaffli svo bökuskelin lyfti sér ekki.

Hitið olíu og smör saman á pönnu og steikið laukinn við meðalhita þar til hann er orðinn mjúkur og glær. Bætið það sérrii út á pönnuna og látið malla í nokkrar mín. Bragðbætið með salti og pipar. Látið kólna í smá stund og dreifið síðan yfir botninn á forbakaðri bökuskelinni. Skerið rauðrófur í þunnar sneiðar og raðið þeim fallega í formið og stráið valhnétum yfir. Pískið saman egg, sýrðan rjóma og rjóma og setjið krydd saman við. Hellið eggjablöndunni yfir formið og bakið í 30-40 mín. Skreytið með basilikulaufum.

Rækjuréttur

Risarækjur

perlubygg + grænmetistengingur

púrrulaukur

maisbaunir

kál

tómatar

mango

salthnétur

BBQ oil garlic

Rækjurnar eru marineraðar í BBQ olíunni í góða stund (ca. 4-6 tíma). Perlubyggið soðið í vatni með grænmetisteningi.

Perlubygg og kálið í botnin á fati síðan sett skorinn púrrulaukur, maisbaunir og salthnétur.

Rækjurnar steiktar og settar í fatið tómatar skornið og sett yfir. Safinn af rækjunum settur yfir.

Sósa

Sýrður rjómi

hvítlaukur

smá rjómi

Sriracha hot cilli sauce eftir smekk

Fiskisúpa með karry og ferskjum

olía

1 stór laukur

1-2 hvítlauksrif

1 rauð paprika

brokkoli (eftir smekk)

1-2 tómatar í dós

1 dós ferskjur + safinn

grænmetiskraftur

lemongrass

karri (slatti)

rjómi eftir smekk

rjómaostur (bragðtegund að hætti kokksins og allt eftir smekk)

vatn

fiskur eftir smekk

Kóriander

Laukur, hvítlaukur og karri svissaður í olíu. Tómatar, papríka, brokkoli , ferskjur (saxaðað), ferskjusafinn, og rjómaostur. Látið malla í ca. 20. mín þá er rjóminn settur út í og kryddað eftir smekk. Rétt áður en súpan er borin fram er fiskurinn settur út í og látið bíða í ca. 5 mín og lemongrasstönglarnir eru veiddir upp úr súpunni.