Nóvemberklúbbur hjá Ágústu

 

Kúskús salat

6-8 vorlaukar sneiddir og ½ laukur eða 2 skalotlaukar, smátt saxaðir og steiktir í olíunni þar til fara að mýkjast. 2 saxaðir hvítlauksgeirar settir útí og steikt aðeins áfram.

300 gr spínat bætt í og steikt í 3-4 mín. eða þar til spínatið er orðið mjúkt. Hellt í sigti og látið drjúpa af blöndunni. Saxað gróft.

Blandað við 400 gr kotasælu, 1 ½-2 boxi fetaosti, 2-3 msk saxað dill, 2-3 msk söxuð steinselja og kúskús eftir smekk. Braðbætt með salti og pipar.

Rauðrófu- og appelsínusalat

1 rauðrófa, í bitum - má vera niðursoðin

1/2 rauðkálshaus í strimlum

2 vorlaukar eða 1 búnt graslaukur, skorinn í litla bita

Rucola salat - 2 hnefar

1 appelsína í bitum

¼ rauðlaukur, skorinn í þunna langa strimla

nokkrir kokkteiltómatar

nokkrar ólífur

3-4 sólþurrkaðir tómatar, skornir í langsum strimla

10 valhnetur, þurrristaðar á pönnu

1 Brie-ostur í bitum - eða Fetaostur

smá grænt krydd – t.d. ferskt basil eða ferskt kóríander eða....

Blandið öllu saman í skál, hellið dressingunni yfir salatið og endið á að klippa ferskt krydd yfir.

Dressing - sett í blandara:

1 1/2 dl lífræn ólífuolía

1 1/2 dl ferskur sítrónusafi

½ dl ferskur appelsínusafi

1 tsk sinnep

1 hvítlauksrif

2 vorlaukar - fínt saxaðir

1/2 búnt ferskt basil - smátt saxað

smá sjávarsalt og nýmalaður svartur pipar

Má líka sleppa dressingu og nota bara góða olíu og Balsamedik/glaze

Karrí- tómatsúpa (fyrir 4-6)

1 saxaður laukur og 2-3 marin hvítlauksrif

2-4 tsk karrý. Þetta er léttsteikt í olíu.

1 dós niðursoðnir tómatar sett útí og þetta maukað.

4 dl fiskisoð sett útí og látið krauma í 5-10 mín.

1 dós (400 gr) ferskjur skornar í mjög smáa bita og sett í súpuna ásamt safanum.

Peli af rjóma bætt útí og suðunni aðeins hleypt upp. 

Gott að bæta rækjum eða kjúklingi í smáum bitum í en þarf ekki.

Marengs og snickers

Púðursykurmarengs:

3 stk eggjahvítur

150 gr púðursykur

80 gr sykur

Þeytið eggjahvítur og bætið báðum tegundum af sykri saman við. Þeytið þar til sykur er vel uppleystur, smyrjið út tvo botna á bökunarpappír (24 cm) og bakið við 150° í 40 mín.

500 ml rjómi þeyttur.

1 pakki með 4 litlum Snickers súkkulaðistykkjum (eða Mars eða annað gott súkkulaði) brytjað niður.

1 stór dós niðursoðnar perur (eða apríkósur). Perurnar þerraðar vel og skornar niður í bita.

1 marengsbotn (hvítur eða brúnn með púðursykri), mulinn niður. 

Öllu blandað saman og sett í eldfast mót (mót sem þolir að fara í frysti). Fryst, tekið út einum til einum og hálfum tíma áður en á að bera fram.

Októberklúbbur hjá Ingibjörgu

 

 

 

 

Fiskisúpa 

• 1 laukur
• 2 hvítlauksrif
• 1 rauð paprika
• 1-2 msk smjör
• 8 dl vatn
• 2 fiskiteninga
• 400 g fiskur hvítur/bleikur gott að hafa bæði
• 2-3 dl rjómi
• 200 jöklasalat  (skorið í strimla)
• 200 rifinn ostur
• 2 msk ferskt dill

Saxa lauk, hvítlauk, papriku og létt steikja í smjöri í stórum potti og bætið síðan vatni út í. Látið sjóða í smá stund við lágan hita og setjið fiskiteninga út í.  

Næst er osturinn settur út í og látinn samlagast, síðan er rjóminn, jöklasalatið og fiskurinn settur út í. Látið bíða í ca. 10-15 mínútur eða þangað til fiskurinn er tilbúinn. 

Saxið dill yfir og berið fram.

 

Rauðlauksbaka

Botn:

• 1 1/4 hveiti
• 80 kalt smjör
• 1/2 bolli rifinn parmesan ostur
• 1 msk gott sinnep 
• 2-3 msk ísvatn

Auka: 1/2 bolli rifinn parmesan ostur, seinna

Fylling:

• 1 msk olifuolía
• 30 g smjör
• 4 meðal stórir rauðlaukar, saxaðir
• 1 msk rauðvíns eða balsamik edik
• 2 tsk púðursykur
• 3 egg
• 1/2 bolli rjómi

Deig:

Hrærið saman hveiti, smjöri, sinnepi og parmesan í hrærivél/matvinsluvél. Bætið vatni saman við.

 Gætið þess að hræra ekki of mikið. Geymið í kæli smá stund. 

Fylling:

Hitið olíu og smjör á pönnu. Bætið söxuðum lauk út í og sjóðið í olíunni þar til hann er orðinn vel mjúkur án þess að vera brúnaður (tekur ca. 20-30 mín). Blandið ediki og sykri saman við og hrærið vel þangað til  sykurinn er bráðinn.

Aðferð:

Fletjið deigið út í eldfast mót og pikkið deigið með gaffli. Smyrjið sinnepi yfir og dreifið 1/2 bolla af parnesan osti yfir og setjið síðan laukfyllinguna yfir.

Þeytið saman egg og rjóma og hellið yfir. 

Bakið við 175 gráður í heitum ofni í ca. 40 mínútur.

 

Salat

Tómatar, gúrka, svartar ólifur og fetaostur

 

 

 

 

Karamellupekankaka
 

Kakan:

• 80 g döðlur, skornar niður
• 1/2 dl vatn
• 5 eggjahvítur
• 70 g döðlur, skornar niður
• 80 g möndluflögur, ristaðar á pönnu
• 80 g dökkt súkkulaði, saxað

Hitið ofninn í 150 gráður.

Sjóðið döðlur og vatn saman í nokkrar mínútur þannig að þær verða að mauki. Kælið. Þeyta eggjahvítur alveg stífar. Blandið eggjahvítunum saman við döðlumaukið í smá skömmtum. Blandð síðan saman súkkulaði, ristuðum möndluflögum og smátt söxuðum döðlum saman við blönduna. Hellið deiginu í smurt form eða notið pappírsklætt smelluform, 22 cm. Bakið í miðjum ofni í 20 mínútur. Kælið kökuna aðeins í forminu áður en hún er sett á disk.

Ofan á:

200 pekanhnetur

90 g hrásykur

3/4 rjómi

Ristið pekanhnetur í ofni eða pönnu. Sjóðið saman hrásykur og rjóma þannig að úr verði þykk karamella. Raðið hnetum yfir kökuna og dreifið sósunni yfir. Fallegt að skreyta með berjum. 

Berið kökuna fram með þeyttum rjóma. 

• 

 

Septemberklúbbur hjá Lindu

 

Bakaður kúrbítur
2 kúrbítar
3 sneiðar hvítt brauð
2-3 msk mjólk
Salt og pipar
3-4 msk Parmesan ostur 
1 egg

Lítill kúrbítur skorið í tvennt og síðan langsöm. Soðinn örstutt.
Franskbrauð bleitt upp í mjólk og skafið inn úr kúrbítnum, salt, pipar, parmesan og egg bætt út í og hnoðað.
Deigið sett í kúrbítinn, osti dreift yfir og bakað við 200 C í 30 mín.

Salat (fyrir 3-4)
2 bollar af soðnum hrísgrjónum
2 msk soya eða tamari sósa
2-3 msk chili eða sesam olía

Salatið:
200 gr soðnar edamame baunir
1 bolli saxaður kóriander
1 gúrka skorin
1 avakadó saxað
1 rauðlaukur saxaður (lítill)
2 vorlaukar

Salat dressing:
2 msk tahini
Safi af einni lime
2 msk maple sýróp
1 hvítlaukur saxaður
1 tsk saxaður engifer
Sesamfræ til að strá yfir

Hita ofninn í 200 C.  Setja hrísgrjónin í þunnt laga á smjörpappír hella soya og olíu yfir,  baka í 20 mín. Kæla. 
Saxa grænmetið í skál og setja hrísgrjón og salatdressingu yfir.

Japanskt mjólkurbrauð
480 gr hveiti
½ tsk salt
1 bréf ger
1 egg
200 ml mjólk
50 ml Condensed mjólk
50 gr brætt smjör

Leysa gerið upp í volgri mjólk. Setja all efnið í hveitið og hnoða. Láta deigið hefast í rúml. klukkustund. Deigið skipt í tvær bollur og flatt út á borð (breiddin á deiginu eins og á kökumóti), rúllað upp langsöm eins og í pylsu. Deigið sett í mót og skorið í það þversum nokkrar ráki.  Látið hefast í mótinu í 1 klst. Bakað við 180 C í 25 mín.
1 msk smjör og 1 msk Condenced mjólk brætt saman og penslað á brauðið.

Dumplings súpa
1-2 laukar smátt saxaðir
2 hvítlaukar smátt saxaðir
Smá engifer smátt saxaður (um 1 cm)
Smá kóriander saxaður
1 líter grænmetissoð
3 msk soyasósa
1 msk sesamolía
Nokkrir sveppir saxaðir (um 6-8 stórir)
Kínakál, góður slatti
Risarækjur (eftir smekk)
Dumplings (grænmetis dupmlings keypt í Fiska, eftir smekk)
Vorlaukur (um 6 stk)

Létt steikja lauk, hvítlauk,engifer og kóriander á meðalhita. Hella soði
út í og látið sjóða í 5 mín. Soyasósa og sesamolía sett út í. Þá er
sveppum,kínakáli, risarækjum og dumplings bætt út í og soðið í
nokkrar mín. Að lokum er vorlauk stráð yfir.
Ég bætti við auka salti og smá chili.

Heimagert konfekt
1 bolli grísk jógúrt
½ bolli pistasíusmjör
1/3 bolli hunang
¼ bolli hnetur saxaða
100 gr dökkt súkkulaði brætt
100 gr hvítt súkkulaði til að dýfa í

Allt sett í skál og hrært saman. Setja með skeið á smjörpappír og frysta. Þegar konfektið er frosið er því dyfið í hvítt brætt súkkulaði og geymt í frysti.

Júníklúbbur hjá Mæju

 

Fylltar döðlur í hnetuhjúp

Um 15 stykki stórar, ferskar döðlur (Ég keypti Medjul döðlur)

150 g Mascarpone ostur frá Gott í matinn

1 1/2 msk. Hunang

1 msk. Appelsínulíkjör

50 g saxaðar hnetur/möndlur að eigin vali (til dæmis pekanhnetur, kasjúhnetur, pistasíur, möndlur, jarðhnetur)

Skerið rauf í döðlurnar, fjarlægið steininn og opnið „vasa“ í þær.

Blandið Mascarpone osti, hunangi og líkjör saman í skál, setjið í sprautupoka/zip lock poka og fyllið „vasana“ á döðlunum.

Leggið rjómaostahliðina ofan í skál með söxuðum hnetum/möndlum og veltið aðeins um svo það festist vel af blöndu við hverja döðlu.

Geymið í kæli þar til bera á fram.

Saltfiskurinn guðdómlegi 

900 g útvötnuð saltfiskflök, roðflett og beinlaus 

1 dl. ólífuolía 

2-3 msk. smjör 

Safi úr 1 sítrónu 

4 stór hvítlauksrif, söxuð 

Svartur pipar 

2-3 msk. saxaðar ólífur (svarta,grænar eftir smekk) 

2 msk. saxað kapers (fæst í litlum krukkum) 

300 g. Óðalsostur, rifinn 

1 dl. rjómi 

Hitið ofninn í 200° Sneiðið saltfiskinn þunnt og í litla bita og leggið hann í vel smurt eldfast mót. Hellið ólífuolíunni út á fiskinn og sejið ofan á hann smjörklípur, sítrónusafa, hvítlauk og pipar. Dreifið ólífunum og kapersinu á fiskinn og sáldrið ostinum ofan á. Hellið loks rjómanum út á. Bakið réttinn í ofni 20 mín. Passið að osturinn nái að brúnast aðeins. 

Borið fram með hrísgrjónum, brauði og salatinu hér að neðan, og spænsku rauðvíni t.d. El Coto 

Prófið að sleppa sítrónunni og setja Dijon sinnep í staðinn. 

Salat 

Stökkt blaðsalaat, t.d. Lollo rosso, eikarlauf eða annað, rifið niður 

1/2 dl. sólþurrkaðir tómatar í strimlum 

2-4 skalottulaukar fint saxaðir 

1 dl. ólífur eftir smekk 

2/3 dl. furuhnetur ristaðar 

1/2 dl. jómfrúarólífuolía 

2 msk. balsamico-edik (ég nota rauðvíns) 

Maldon salt og svartur pipar 

Uppskriftin er fyrir 4 fullorðna. 

Aprílklúbbur hjá Fanney

 

Rjómaostur með sætri chili sósu og kóríander

1 pakki Philadelphia rjómaostur

Sweet chili sósa

Saxaður ferskur koriander

Hvolfið rjómaostinum á fallegan disk og hellið vel af sweet chili sósu yfir. Dreifið að lokum söxuðum kóíander yfir og berið fram með góðu kexi eða brauði

Blómkálsbaka

1 blómkálshöfuð, skorið í bita

2 matsk. ólífuolía

100 gr. smjör (50 gr. í fyllinguna og 50 gr. brædd til að pensla filo deigið)

50 gr. hveiti

5 dl. mjólk

1 matsk. sinnep

150 gr. rifinn cheddar ostur

6 arkir af filo deigi

salt og svartur pipar

Setjið blómkálið í eldfast mót, veltið því upp úr ólífuolíunni og kryddið með salti og pipar. Bakið við 180° í um 20 mínútur.

Bræðið 50 gr. af smjöri í potti, hrærið hveitinu saman við og látið malla í 1-2 mínútur. Bætið mjólkinni rólega út í og látið sjóða við vægan hita þar til sósan hefur þykknað. Takið af hitanum, hrærið sinnepi og osti saman við og bragðbætið með salti og pipar. Bætið að lokum blómkálinu út í sósuna.

Penslið filo deigs arkirnar með bræddu smjöri og leggið þær í kringlótt eldfast mót eða bökunarform. 

Hellið blómkálsfyllingunni í formið og lokið bökunni að hluta með því að brjóta filo deigið yfir. Penslið toppinn á bökunni með bræddu smjöri og bakið við 180° í 50 - 60 mínútur.

Látið bökuna kólna lítillega áður en hún er borðuð.

Blaðlaukssalat með linsubaunum

4 stórir blaðlaukar skornir í 2 sentimetra þykkar sneiðar

4 hvítlauksrif

1 tesk. þurrkað timian

2 dl. ólífuolía

1 dós af grænum linsubaunum

1 sítróna

1 dl. ferskar kryddjurtir (steinselja, dill, estragon, fennel)

Ferskt salat eftir smekk

Salt og pipar

Setjið blaðlauk, rifinn hvítlauk, timian, 1 teskeið af salti og pipar eldfast mót. Blandið varlega saman og hellið síðan olíunni yfir. Raðið blaðlauknum með skurðhliðina upp, breiðið álpappír yfir formið og bakið í 35 mínútur við 180°.  

Takið eldfasta mótið úr ofninum og snúið blaðlauknum varlega við með tveimur göfflum. Breiðið álpappírinn aftur yfir formið og bakið áfram í 35 mínútur.

Hellið vatninu af linsubaununum og blandið þeim saman við blaðlaukinn. Breiðið álpappírinn yfir og bakið áfram í 10 mínútur. Leyfið blöndunni að standa í um 10 mínútur eftir að hún kemur úr ofninum og bragðbætið með salti, pipar og sítrónusafa.

Rífið salatblöðin og setjið á fat, setjið blaðlauksblönduna yfir og dreifið að lokum  söxuðum ferskum kryddjurtum yfir.

Afrísk hnetusúpa

1 laukur

2 hvítlauksrif

1 rautt chili (fræhreinsað)

2 matsk. rifinn engifer

2 dósir saxaðir niðursoðnir tómatar

2 dl. hnetusmjör (gjarna gróft)

1 sæt kartafla, afhýdd og smátt söxuð

1/2 líter vatn eða soð

salt og pipar

Ofan á:

1 1/2 dl. saxaðar kasjúhnetur

1 rautt chili, smátt saxað

1 dl. söxuð steinselja

1/2 dl. ólífuolía

Saxið lauk, hvítlauk og chili og mýkið á pönnu ásamt rifna engifernum. Hellið tómötunum út í og látið sjóða. Blandið þá hnetusmjörinu saman við og hrærið þar til það hefur samlagast. Hellið vatninu út í ásamt sætu kartöflunni og látið sjóða við vægan hita í 20-30 mínútur. Bragðbætið með salti og pipar eftir smekk. Ef súpan er of þykk má þynna hana með meira vatni.

Blandið saman kasjúhnetum, chili, steinselju og olíu og berið fram með súpunni.

Hvít Fragilité með hindberjum

Botn:

125 gr. blandaðar hnetur (heslihnetur, pekanhnetur og möndlur)

4 eggjahvítur

4 matsk. flórsykur

300 gr. hindber

Súkkulaðimús:

2 blöð matarlím

175 gr. hvítt súkkulaði

4 eggjarauður

1 matsk. sykur

2 matsk. appelsínulíkjör

250 ml. rjómi, þeyttur

Setjið hneturnar í matvinnsluvél og hakkið þær gróft. Stífþeytið eggjahvíturnar með flórsykri og bætið hökkuðum hnetunum saman við. Setjið í pappírsklætt 23 sm bökunarform og bakið við 190° í 15 - 20 mínútur.

Leggið matarlímið í bleyti í 10 mínútur. Bræðið súkkulaðið yfir vatnsbaði. Þeytið eggjarauðurnar með sykrinum þar til blandan hefur þykknað. Hitið líkjörinn og bræðið matarlímið í honum. Blandið varlega saman eggjarauðum, bræddu súkkulaði, matarlími og þeyttum rjóma.

Dreifið hindberjunum yfir hnetubotninn og smyrjið súkkulaðimúsinni fyir. Kælið kökuna í að minnsta kosti 8 klukkustundir.

Marsklúbbur hjá Gerði

Febrúarklúbbur hjá Hrafnhildi

Túnfisksalat án majonnes - 

Rautt pesto+ ólífur+túnfiskur+sólþurrkaðir tómatar - Allt stappað saman

Setti restina af múffudeiginu í bökuform - fín baka sem slík

Smjörsteiktar perur með brie og furuhnetum á ruccolabeði

·         400 g brieostur

·         200 g ruccola

·         75 g furuhnetur

·         4 perur (notaði bæði nýjar og úr dós)

·         ólívuolía

·         balsamiksýróp

·         gróft salt

·         smjör

Skolið ruccola og dreifið úr því yfir fat. Ristið furuhneturnar á pönnu (passið að hafa ekki of háan hita svo þær brenni ekki!).

Skerið perurnar í sneiðar og steikið úr smjöri á pönnu. Skerið brieostinn í sneiðar og leggið yfir perurnar á heitri pönnunni.

Þegar brieosturinn byrjar að bráðna eru perurnar teknar af pönnunni og lagðar ofan á ruccolað. Að lokum eru ólívuolía, gróft salt, balsamiksýróp og furuhnetur sett yfir.

 

Restin af túnfisksalatinu án mayonnes - sem var í forréttasnakk

Kjúklingasúpa með ferskjum

·         1 stór laukur (smátt saxaður)

·         smjör

·         3-4 tsk karrýmauk (ég nota  Pataka´s mild curry paste, coriander & cumin)

·         4 hvítlauksrif, pressuð

·         1 ½  dós niðursoðnir tómatar

·         5 dl kjúklingasoð (vatn og 2 kjúklingateningar)

·         1 lítil dós tómatpuré

·         1/2 líter rjómi

·         1 stór dós niðursoðnar ferskjur

·         3 kjúklingabringur.

Bræðið smjör og karrýmauk í potti og bætið lauknum í. Látið laukinn mýkjast við vægan hita. Bætið tómötum, tómatpuré, kjúklingasoði, hvítlauk og rjóma saman við og látið sjóða við vægan hita í ca 10 mínútur.

Skerið ferskjurnar smátt niður og bætið út í ásamt safanum. Látið sjóða áfram í aðrar 10 mínútur.

Skerið kjúklingabringurnar smátt og steikið á pönnu upp úr smjöri. Saltið með maldonsalti. Bætið kjúklingabitunum út í súpuna og látið hana sjóða í 5 mínútur til viðbótar.

 

Stóra SARA